“Messi of the Snows” ជារហស្សនាមរបស់កុមារាវ័យ៨ឆ្នាំ សញ្ជាតិអាហ្សង់ទីនដែលមានឈ្មោះថា Claudio Nancufil។ សមត្ថភាព និងជំនាញទាត់បាល់របស់ក្មេងតូចគួរឲ្យស្រលាញ់រូបនេះ បានទាក់ទាញក្រុមបាល់ទាត់កំពូលទាំងបីរបស់អេស្ប៉ាញ គឺ Barcelona, Real Madrid និង Atletico Madrid។ ក្រៅពីក្លិបនៅអេស្ប៉ាញ ក្លិបនៅ Premier League របស់អង់គ្លេស២ គឺ Manchester United និង Chelsea ក៏ត្រូវបានរាយការណ៍ថាចាប់អារម្មណ៍អូនតូចនេះដែរ។
បើយោងតាមទីភ្នាក់ងារមួយមានទីតាំងនៅទីក្រុង Barcelona ដែលជាអ្នកចុះកុងត្រាជាមួយ កុមារា Nancufil នេះ បានឲ្យដឹងថានៅក្រោយការសម្រាកពិធីបុណ្យគ្រិស្តម៉ាស់ Nancufil នឹងទៅធ្វើតេស្តនៅក្លិបអេស្ប៉ាទាំង៣ខាងលើ។
បន្ទាប់មក ទីភ្នាក់ងារដដែលនឹងសម្រេចថាត្រូវឲ្យ Nancufil ផ្លាស់ទៅលេងនៅក្លិបណាមួយ ដោយមើលលើការផ្ដល់ឲ្យនៃក្លិបនីមួយៗនោះ។
គួរបញ្ជាក់ផងដែរថា មិនត្រឹមតែមានដើមកំណើតដូច Messi នោះទេ កុមារារូបនេះក៏មានជំងឺម្យ៉ាងស្រដៀងនឹង Messi កាលពីក្មេងដែរ។ កាលពីអាយុ១៣ឆ្នាំ Messi មកលេងនៅ Barcelona ដោយសារតែ Barcelona បានធានាចេញថ្លៃព្យាបាលជំងឺអ័រម៉ូនលូតលាស់មិនល្អរបស់ខ្លួន។ ជំងឺដែលទាក់ទងនឹងការរីកធំធាត់នោះ ក៏បានកើតឡើងចំពោះ Nancufil ដែរ។
បច្ចុប្បន្នកុមារាមាឌទាបល្អិតតែខ្លាំងរូបនេះ កំពុងលេងនៅក្លិប Martin Guemes។ លោក Marcelo Ernalz ប្រធានក្លិបនេះ បានឲ្យដឹងថា Nancufil បានបង្ហាញភាពលេចធ្លោជាងក្មេងឯទៀតតាំងពីគេចាប់ផ្ដើមលេងបាល់កាលពីអាយុ៤ឆ្នាំមកម្ល៉េះ ពោលគឺមានរបៀបលេងស្រដៀងនឹង Messi ដែរ។
កាលពីថ្មីៗកន្លងទៅ មានកុមារាជនជាតិជប៉ុនម្នាក់ដែលមានវ័យត្រឹម៩ឆ្នាំ ក៏ត្រូវបានគេប្រដូចទៅនឹង Messi ដែរ ខណៈពេលនេះរូបគេកំពុងហ្វឹកហាត់ក្នុងថ្នាលយុវជនរបស់ Real Madrid (ចុចអានលម្អិតត្រង់នេះ)។
ចាំមើលមើល៍ ថាតើក្មេងតូចនេះអាចក្លាយជាកីឡាករល្បីដល់កំពូលដូច Lionel Messi បច្ចុប្បន្ននេះដែរឬទេ?
អត្ថបទទាក់ទង៖ Messi ថ្មីជនជាតិជប៉ុនវ័យ៩ឆ្នាំល្អមិនចាញ់ Messi ធំអាហ្សង់ទីនទេ (វីដេអូ)
មើលវីដេអូរបស់ Claudio Nancufil ដូចខាងក្រោម៖
0 comments:
Post a Comment