ឈានចូលវ័យ៤០ឆ្នាំថ្ងៃនេះ Ryan Giggs នៅតែអាចលេងបានក្នុងពានរង្វាន់កំពូលៗឲ្យក្លិបបិសាចក្រហម។ កីឡាករសញ្ជាតិវែលរូបនេះ ត្រូវបានគេចាត់ទុកថាជាវីរបុរសមួយរូបរបស់ Manchester United ក្រោយចូលលេងនៅកិ្លបជោគជ័យបំផុតរបស់អង់គ្លេសមួយនេះ តាំងពីឆ្នាំ១៩៨៧មក (ចូលឈុតធំឆ្នាំ១៩៩០)។
វ័យចាស់ក៏ពិតមែនតែ Giggs នៅតែធ្វើបានល្អ (រូបពេលលេងទល់នឹង Leverkusen នៅ UCL សប្ដាហ៍នេះ)
ក្នុងរយៈពេលជាង២០ឆ្នាំកន្លងមកនេះ Giggs បានលើកពាន Premier League ដល់ទៅ១៣ដង, ពាន FA Cup ៤ដង, ពាន League Cup ៤ដង, ពាន Communishield ៩ដង, ពាន Champions League ២ដង, ពាន Super Cup ម្ដង, ពាន Intercontinental Cup ម្ដង និងពាន FIFA Club World Cup ម្ដង។ ក្រៅពីពានលក្ខណៈក្រុម ក៏មានពានលក្ខណៈបុគ្គលជាច្រើនទៀតដែលរូបលោកបានឈ្នះ ដូចជាពានកីឡាករវ័យក្មេងល្អបំផុត និងពានកីឡាករល្អបំផុតនៅអង់គ្លេសជាដើម។
ក្នុងឱកាសថ្ងៃខួបកំណើតរបស់ Giggs នេះយើងខ្ញុំសូមនាំប្រិយមិត្តមកមើលវីដេអូដ៏កម្របានឃើញមួយ ពោលគឺជាវីដេអូនៃការលេងរបស់លោក កាលពីនៅវ័យត្រឹម១៤ឆ្នាំ។ វីដេអូនេះ គឺជាការប្រកួតវគ្គផ្ដាច់ព្រ័ត្រពានរង្វាន់ Granada Schools Cup កាលពីឆ្នាំ១៩៨៨ រវាងក្រុម Salford និង Blackburn នៅកីឡដ្ឋាន Anfield។
Giggs ដែលកាលនោះមានឈ្មោះ Wilson ជាប់ជា Man of the Match
នាពេលនោះ Giggs មានឈ្មោះថា Ryan Wilson មិនមែន Ryan Giggs ដូចពេលនេះទេ។ យុវជន Wilson បានក្លាយជា Man of The Match នៅក្នុងការប្រកួតនោះ ក្រោយជួយឲ្យ Salford ឈ្នះ៣-២។ រូបគេមិនបានស៊ុតបញ្ចូលទីនោះទេ ប៉ុន្តែបានបង្ហាញទម្រង់លេងដ៏អស្ចារ្យ និងបានជួយបញ្ជូនឲ្យមិត្តរួមក្រុមស៊ុតចូលទាំង៣គ្រាប់។
Giggs (ស្ដាំ) ឡើងលើកពានជាមួយអ្នកចាំទី
សូមមើលវីដេអូខាងក្រោម (Ryan Giggs ឬ Ryan Wilson ពាក់ស្លាកលេខ៦)៖
អត្ថបទទាក់ទង៖ គ្រាប់បាល់ស្អាតៗទាំង១០របស់ Giggs កាលនៅពេញកម្លាំងឆ្នាំកៅប្លាយ
0 comments:
Post a Comment