ភ្លេចៗខ្លួន ការប្រកួតពានរង្វាន់ UEFA Champions League បានមកដល់ទៀតហើយ។ ការប្រកួតកាន់តែតានតឹងខ្លាំងឡើងៗ ដោយសារឈានចូលសប្ដាហ៍ទី៥ប្រចាំពូលនីមួយៗ។ ក្នុងចំណោម៨គូក្នុងពូល៤ យប់នេះ គូដែលគួរឲ្យចាប់អារម្មណ៍ជាងគេ គឺ Borussia Dortmund និង Napoli ក្នុងពូល F ដែលត្រូវបានគេចាត់ទុកថាជាពូលមរណៈ។
កាលពីជើងទី១នៅទឹកដីអ៊ីតាលី ក្រុម Napoli ជាអ្នកឈ្នះ។ ចុះការជួបគ្នានៅទឹកដីអាល្លឺម៉ង់យប់នេះវិញ Dortmund ដែលត្រូវការពិន្ទុជាចាំបាច់ដើម្បីបន្តក្ដីសង្ឃឹមទៅជុំបន្ទាប់នោះ អាចសងសឹកវិញបានឬអត់?
(រូបភាព៖ fourfourtwo)
ព័ត៌មានក្រុម៖
Dortmund នឹងត្រូវអវត្តមានកីឡាករសំខាន់បីរួបគឺ Neven Subotic (របួសជង្គង់), Mats Hummels (របួសកែងជើង) និង Marcel Schmelzer (របួសកំភួនជើង)។ អវត្តមានកីឡាករបីនាក់នេះ អាចឲ្យខ្សែការពារប៉ូឡូញ Lukasz Piszczek មានឱកាសចូលលេង ក្រោយរូបគេបង្ហាញខ្លួនជាលើកដំបូងឲ្យក្លិបបន្ទាប់ពីជាពីរបួសកាលពីចុងសប្ដាហ៍កន្លងទៅ។ ចំណែកឯកីឡាករអវត្តមានយូរដោយសាររបួសដែរនោះ គឺ Sebastian Kehl ក៏អាចវិលចូលក្រុមវិញបានដែរ។
រីឯ Napoli នឹងត្រូវបាត់មុខខ្សែបម្រើសំខាន់ Marek Hamsik ក្រោយរងរបួសជើងពេលលេងទល់ Parma ចុងសប្ដាហ៍មុន។ យ៉ាងណាក្ដី Miguel Britos ដែលខានលេងយូរដោយសាររបួស នឹងអាចវិលចូលលេងវិញបាន។
ធាតុពិតខ្លះៗនៃក្រុមទាំងពីរ៖
Dortmund បានចាញ់ពីរប្រកួតចុងក្រោយលើដីខ្លួនឯងនៅពានរង្វាន់អឺរ៉ុបទល់នឹងក្រុមមកពីអ៊ីតាលី ហើយមិនអាចស៊ុតបញ្ចូលទីទាំង២ប្រកួត។
ក្រុមអាល្លឺម៉ង់មួយនេះ អាចរក្សាសំណាញ់ទីមិនឲ្យគេស៊ុតបញ្ចូលទីបានតែម្ដងប៉ុណ្ណោះ ក្នុងការប្រកួត Champions League ៨ដងចុងក្រោយ។
Napoli បានឈ្នះ៦ដងក្នុង៨ប្រកួតចុងក្រោយនៅ Champions League។
ក្រុមនេះមិនអាចស៊ុតបញ្ចូលទីតែ១ប្រកួតប៉ុណ្ណោះក្នុង១២ប្រកួតចុងក្រោយពានរង្វាន់នេះ (ពេលចាញ់ Arsenal ២-០ ខែមុន) ប៉ុន្តែក៏ភ្លាត់ឲ្យគេស៊ុតបញ្ចូលទីយ៉ាងតិច១គ្រាប់ផងដែរក្នុង៦ប្រកួតចុងក្រោយ។
Napoli មិនដែលឈ្នះនៅលើទឹកដីអាល្លឺម៉ង់នោះទេក្នុង៩ប្រកួតចុងក្រោយ (ស្មើ៥ ចាញ់៤)។
លទ្ធផល៥ប្រកួតចុងក្រោយនៃក្រុមទាំងពីរ៖
* Dortmund ចាញ់៣ប្រកួតចុងក្រោយ
* Napoli ចាញ់២ប្រកួតចុងក្រោយ
ព្យាករណ៍របស់ Sabay៖ Dortmund ២-១ Napoli
មួយគូទៀតក្នុងពូល F ដែរនោះ គឺ Arsenal ទទួលក្រុមភ្ញៀវធ្លាក់ស្វ័យប្រវត្តិមកពីបារាំង Marseille ម៉ោង២:៤៥នាទីរំលងអាធ្រាត្រដូច Dortmund ជួប Napoli ដែរ។ ក្រោយជំនួបយប់នេះ យើងនឹងដឺងកាន់តែច្បាស់ពីជោគវាសនារបស់ Arsenal, Dortmund និង Napoli។
តារាងពិន្ទុពូល F៖
៦គូ ក្នុងពូល ៣ ផ្សេងទៀត៖
ពូល | គូប្រកួត | ម៉ោង |
E | Basel vs Chelsea | ២:៤៥រំលងអាធ្រាត្រ |
Steaua Bucuresti vs Schalke | ||
G | Zenit Petersburg vs Atletico Madrid | ១២:០០អាធ្រាត្រ |
FC Porto vs Austria Wien | ២:៤៥រំលងអាធ្រាត្រ | |
H | Ajax vs Barcelona | |
Celtic vs AC Milan |
0 comments:
Post a Comment