ការចរចាបញ្ចប់សង្គ្រាមស៊ីវិលស៊ីរីនឹងចាប់ផ្ដើមថ្ងៃ២២ ខែមករា
ទីក្រុងហ្សឺណែវ៖ បន្ទាប់ពីមានការពន្យារពេលអស់ជាច្រើនខែ អង្គការសហប្រជាជាតិបាននិយាយនៅថ្ងៃច័ន្ទម្សិលមិញថា រដ្ឋាភិបាលស៊ីរីនិងគណបក្សប្រឆាំងគួរតែបើកការចរចានៅក្នុងទីក្រុងហ្សឺណែវ(ស្វីស)នៅថ្ងៃទី២២ ខែមករាឆ្នាំ២០១៤ខាងមុខ ដើម្បីបញ្ចប់សង្គ្រាមស៊ីវិលរ៉ាំរ៉ៃក្នុងប្រទេសរបស់ខ្លួន។
ការកំណត់កាលបរិច្ឆេទនេះ គឺធ្វើឡើងបន្ទាប់មានការប្រជុំនៃអ្នកការទូតជាន់ខ្ពស់ មកពីអង្គការសហប្រជាជាតិ អាមេរិក រ៉ុស្ស៊ី ក្រោមការទទួលស្វាគមន៍របស់អគ្គរដ្ឋលេខាធិការ បាន គីមូន។
“Edward Snowden បានការងារធ្វើនៅរុស្ស៊ីហើយ”
លោក បាន គីមូន បានប្រាប់អ្នកសារព័ត៌មាននៅទីស្នាក់ការអង្គការសហប្រជាជាតិក្នុងទីក្រុង New York ថា ការចរចាដែលជិតកើតមាននេះ គឺជាបេសកកម្មក្ដីសង្ឃឹម “mission of hope” ដើម្បីបញ្ឈប់ជម្លោះរយៈពេលបីឆ្នាំរបស់ស៊ីរី។
ក្នុងសង្គ្រាមនេះបានធ្វើឱ្យមនុស្សច្រើនជាង១០ម៉ឺននាក់ត្រូវសម្លាប់ និងមនុស្សជិត៩លាននាក់ បានភៀសខ្លួនពីផ្ទះសម្បែង និងបង្កើតឱ្យកើតអស្ថិរភាពតាមតំបន់មជ្ឈិមបូព៌ា។
លោក គីមូន បន្ត “អស់ពេលជាយូរហើយ និងជាលើកទី១ដែលរដ្ឋាភិបាលស៊ីរី និងបក្សប្រឆាំងនឹងជួបគ្នានៅតុចរចា ជំនួសការជួបគ្នានៅសមរភូមិប្រយុទ្ធ”។
“ជម្លោះនៅស៊ីរី៖ អ៊ីស្រាអែលបើកការវាយប្រហារជើងអាកាស”
សេចក្ដីប្រកាសរបស់អគ្គលេខាធិការអង្គការសហប្រជាជាតិរូបនេះ ធ្វើឡើងមួយថ្ងៃបន្ទាប់ពីការចរចាបញ្ឈប់កម្មវិធីនុយក្លេអ៊ែរមួយចំនួនរបស់អ៊ីរ៉ង់ក្នុងទីក្រុងហ្សឺណែវនាពេលកន្លងមក ទទួលបានជោគជ័យ។
ទោះបីជាយ៉ាងណាគេនៅមិនទាន់ដឹងថា របៀបវារៈនៃការចរចា ហើយមិនដឹងជាភាគីណាខ្លះដែលនឹងត្រូវអញ្ជើញឱ្យចូលរួមក្នុងកិច្ចចរចានាថ្ងៃនោះ៕
ដោយ nob70
ប្រភពពី៖ www.nob70.com
0 comments:
Post a Comment