សេចក្តីប្រកាសរបស់ក្រសួងធនធានទឹក និងឧតុនិយម
ប្រជាពលរដ្ឋមួយជាច្រើននៅក្រុងភ្នំពេញប្រហែលជាមានការងឿងឆ្ងល់ អំពីអាកាសធាតុ ស្រាប់តែប្រែប្រួលភ្លាមៗ កាលពីថ្ងៃម្សិលម៉ិញនេះ និងបន្តរហូតមកដល់ថ្ងៃនេះ មានភ្លៀងមិនដាច់គ្រាប់។
តបទៅនឹងការប្រែប្រួលនេះ ក្រសួងធនធានទឹក និងឧតុនិយមបានចេញសេចក្តីជូនដំណឹងមួយ បញ្ជាក់ថា បញ្ហានេះបានកើតឡើងដោយសារតែឥទ្ធិពលនៃខ្យល់ព្យុះដែលមានឈ្មោះថា «ក្រសា»។ សេចក្តីជូនដំណឹងបានបញ្ជាក់ថា នៅថ្ងៃទី ៨ និង ៩ នឹងមានវិសម្ពាធថ្មីមួយ ធ្វើដំនើរកាត់លើសមុទ្ធចិនភាគខាងត្បូងជ្រោយឥណ្ឌូចិន។ ស្ថានភាពនេះ បង្កឲ្យមានភ្លៀងពីតិចទៅច្រើននៅតំបន់មួយចំនួនរូមមាន៖ ភ្នំពេញ ពោធិសាត់ បាត់ដំបង កំពង់ស្ពឺ កណ្តាល ស្វាយរៀង ព្រៃវែង តាកែវ កំពត កែប និងខេត្តព្រះសីហនុ។ ផ្ទៃសមុទ្ធអាចនឹងមានខ្យល់ខ្លាំង ឯរលកសមុទ្ទមានកំពស់ពី១ម៉េត្រ ទៅ២ម៉ែត្រ។
សេចក្តីជូនដំណឹងបានបន្តថា សូមក្រសួង ស្ថាប័នពាក់ព័ន្ធ អាជ្ញាធរដែនដី មេត្តាជ្រាបជាពត៌មាន ជាពិសេសចំពោះបងប្អូនប្រជានេសាទ និងអ្នកធ្វើដំណើរតាមសមុទ្ទ សូមបង្កើនការប្រុងប្រយ័ត្នខ្ពស់៕
---------
រូបភាព៖ ហ្វេសប៊ុក
ប្រភពពី៖ www.neavea.com
0 comments:
Post a Comment