អ្នកគាំទ្រកម្ពុជាមួយចំនួនបានក្រោកដើរចេញពីកន្លែងអង្គុយរបស់ខ្លួនមួយចំនួនទៅហើយដោយក្នុងចិត្តរំពឹងគិតថា លទ្ធផលU23 កម្ពុជា១-២U23 ម៉ាឡេស៊ីក្នុងព្រឹត្តិការណ៍ BIDC CUP 2013 កាលពីថ្ងៃសៅរ៍ ខណៈនាទីនៅសល់ប្រហែលជា៥នាទីចុងក្រោយនឹងបញ្ចប់ការប្រកួត។
អត្ថបទពាក់ព័ន្ធ៖ ការពិតលើទីលាន BIDC Cup ម្សិលមិញ
កត្តានេះលើកជាចម្ងល់ថាតើក្រុមអ្នកគាំទ្រទៅលើកទឹកចិត្តសម្រាប់តែក្រុមរបស់ខ្លួនទទួលបានជ័យជម្នះមែនទេ? ចុះបើក្រុមរបស់ខ្លួនចាញ់ត្រូវបោះបង់ចោលឬយ៉ាងណា?
អ្នកទស្សនាមួយចំនួនបានលើកឡើងថា ទោះបីជាក្រុមរបស់ខ្លួនចាញ់ឈ្នះក្ដី អ្នកគាំទ្រគួរផ្ដល់កម្លាំងចិត្តដល់ក្រុមរបស់ខ្លួន។ ពួកគាត់មិនគួរបោះបង់ចោលឡើយនៅពេលក្រុមរបស់ខ្លួនបរាជ័យនោះ។
បុរសម្នាក់ឈ្មោះ ណាក់ កំពុងក្រោកឈរត្រៀមនឹងដើរចេញទៅហើយស្រាប់តែគ្រាប់បាល់កម្ពុជាតាមស្មើបាននិយាយថា ពេលឃើញក្រុមកម្ពុជាត្រូវបានភ្ញៀវនាំមុខ១-២ រូបគាត់លែងមានអារម្មណ៍ទស្សនាបន្តទៀត ដូច្នេះមានតែដើរចេញមុនចប់ការប្រកួត ព្រោះមិនចង់ឃើញភាពក្រៀមក្រំរបស់ក្រុមរបស់ខ្លួន។
ស្ត្រីវ័យក្មេងម្នាក់បាននិយាយដោយមិនបញ្ចេញឈ្មោះយ៉ាងខ្លីថា ៖«ខ្ញុំត្រេកអរពេលឃើញក្រុមកម្ពុជាតាមស្មើ តែពេលក្រុមគេនាំមុខជិតចប់ការប្រកួតហើយ ខ្ញុំមានអារម្មណ៍ថា លែងចង់សើច»។
អត្ថបទពាក់ព័ន្ធ៖ នេះនែ៎ វីដេអូ U23 កម្ពុជា ២-២ U23 ម៉ាឡេស៊ី
ពូម្នាក់ឈ្មោះ ឧត្តម នៅទស្សនារហូតដល់ចប់ការប្រកួតប្រាប់ថាមកពីខេត្តព្រៃវែងបាននិយាយថា បើក្រុមរបស់ខ្លួនចាញ់ហើយអ្នកគាំទ្របោះបង់ចោលពួកគេទៀតនោះរឹតតែធ្វើឲ្យក្រុមរបស់ខ្លួនបាក់ទឹកចិត្ត។
លោកពូនិយាយថា ៖«ទោះជាចាញ់ក្ដី យើងត្រូវតែលើកទឹកចិត្តពួកគាត់ ព្រោះកម្លាំងចិត្តសំខាន់ណាស់។ យើងគួរនាំគ្នាគាំទ្រលើកទឹកចិត្តដល់ពួកគាត់ដើម្បីកុំឲ្យបាក់ទឹកចិត្តជាពិសេសមានកម្លាំងចិត្តលេងនៅពេលខាងមុខទៀត»។
ស្របពេលជាមួយគ្នាដែលអ្នកគាំទ្រមួយចំនួនកំពុងដើរចេញ ក៏មានអ្នកគាំទ្រខ្លះបានស្រែកថា ឈប់មកមើលទៀតហើយ បើក្រុមរបស់ខ្លួនចាញ់នោះ។ ប៉ុន្តែមានអ្នកគាំទ្រភាគច្រើនបំផុតនៅតែតស៊ូគាំទ្រទស្សនារហូតដល់ទីបញ្ចប់ដែលជាលទ្ធផលវិនាទីចុងក្រោយផ្ដល់ឲ្យពួកគាត់ជួបក្ដីរំភើបចិត្ត៕
អត្ថបទ៖ ជាន ចាន់រ៉ា
0 comments:
Post a Comment