នៅក្នុងបន្ទប់ជួលតែពីរនាក់ស្ងាត់ៗ បង្ខំរំលោភមិត្តភក្តិគូដណ្តឹង ហើយចងកសម្លាប់ខ្លួន
រាជធានីភ្នំពេញ ៖ បុរសម្នាក់បន្ទាប់ពី ធ្វើសកម្មភាពចាប់រំលោភនារីម្នាក់ បានសម្រេចហើយ អង្វរនាងកុំឲ្យប្តឹងសមត្ថកិច្ច តែនារីរងគ្រោះមិនព្រម រត់ទៅប្តឹងសមត្ថកិច្ច ស្រាប់តែជនល្មើស សម្រេចចិត្តចង.កសម្លាប់ខ្លួន នៅក្នុងបន្ទប់ផ្ទះជួល បង្កឲ្យមានការភ្ញាក់ផ្អើល កាលពីវេលាម៉ោង ៣ទៀបភ្លឺ ឈានចូលថ្ងៃទី១៥ ខែតុលា ឆ្នាំ២០១៣ នៅបន្ទប់ផ្ទះជួលលេខ៣២ បរិវេណអតីតឡឥដ្ឋ ស្ថិតក្នុងភូមិត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ។
បុរសដែលចងកសម្លាប់ខ្លួនមានឈ្មោះ វណ្ណា អាយុជាង ៣០ ឆ្នាំ ជាកម្មករសំណង់ មានស្រុកកំណើត នៅភូមិតាកេរ ឃុំតាកេរ ស្រុកកំពង់លាវ ខេត្តព្រៃវែង មានគូដណ្តឹងឈ្មោះ ម៉ឹង សុផាត អាយុ ២៦ ឆ្នាំជាកម្មកររោងចក្រ ស្នាក់នៅបន្ទប់ជួល ភូមិ-សង្កាត់ កើតហេតុខាងលើ មានស្រុកកំណើត ភូមិដំណាក់ជើង ឃុំបារាយណ៍ ស្រុកព្រៃឈរ ខេត្តកំពង់ចាម។ ចំណែកនារីរងគ្រោះ មានឈ្មោះ សែម សំអាន អាយុ ២១ ឆ្នាំ ជាកម្មការិនីរោងចក្រ ស្នាក់នៅបន្ទប់ជួល កើតហេតុខាងលើ មានស្រុកកំណើតជាមួយគូដណ្តឹង ជនល្មើសដែលចងកសម្លាប់ខ្លួន។
មុនពេលកើតហេតុឈ្មោះ វណ្ណា បានទៅលេងគូដណ្តឹង ស្នាក់នៅចំណុចកើតហេតុខាងលើ ចំនួន៣ថ្ងៃ មកហើយ ។ លុះមកដល់យប់ថ្ងៃកើតហេតុ នារីជាគូដណ្តឹងនិងមិត្តភក្តិម្នាក់ទៀត បានទៅធ្វើការវេនយប់ ទុកឲ្យនារីរងគ្រោះ និងឈ្មោះ វណ្ណា ស្នាក់នៅក្នុងបន្ទប់ជួល តែ២នាក់។ ឆ្លៀតឱកាសនោះឈ្មោះ វណ្ណា បានយកកូនកាំបិត គំរាមទៅលើនារីរងគ្រោះ រួចចាប់រំលោភបានសម្រេចម្តង ។ ក្រោយមកទៀត នារីរងគ្រោះក៏បានទៅហៅ បងប្រុសបង្កើតរបស់នាង និងទៅប្តឹងសមត្ថកិច្ច មូលដ្ឋានឲ្យមកនាំខ្លួន ជនសង្ស័យដើម្បីសួរនាំ ស្រាប់តែពេលនោះជនសង្ស័យភ័យខ្លួន ក៏បានខ្ទាស់គន្លឹះទ្វារបន្ទប់ សម្រេចចងកធ្វើអត្តឃាត តែម្តងទៅ ៕
ប្រភពពី៖ www.watphnom-news.com
0 comments:
Post a Comment