ក្រុមបាល់ទាត់ជម្រើសជាតិអ៊ុយរុយហ្គាយបានយកឈ្នះអាហ្សង់ទីន ៣-២ ព្រឹកមិញនេះ ប៉ុន្តែនៅមិនទាន់អាចកក់កៅអីទៅ FIFA World Cup នៅប្រេស៊ីលឆ្នាំក្រោយបាននៅឡើយទេ ក្រោយចាញ់ពិន្ទុ និងគ្រាប់បាល់ក្រុមឈីលី និងអេក្វាឌ័រ។ ជយលាភីចំណាត់ថ្នាក់លេខ៥ របស់អ៊ុយរុយហ្គាយ មុននេះបន្តិច ទាមទារបន្តការប្រកួត play-off ទល់នឹងក្រុមលេខ៥តំបន់អាស៊ី ហ្សកដានី ដើម្បីបានមួយកៅអី ទៅប្រេស៊ីល ឆ្នាំក្រោយ។
កីឡាករក្រុមអ៊ុយរុយហ្គាយអបអរក្រោយស៊ុតបញ្ចូលទី
៣គ្រាប់របស់អ៊ុយរុយហ្គាយ ធ្វើបានដោយ Cristian Rodriguez (នាទី ៧), Luis Suarez (ប៉េណាល់ទី នាទី៣៤) និង Edinson Cavani (នាទី៤៩)។ រីឯ២គ្រាប់របស់អាហ្សង់ទីនធ្វើបានដោយ Maxi Rodriguez នៅនាទី១៥ និង៤១។ ៣ពិន្ទុបន្ថែមនេះ បានជួយឲ្យអ៊ុយរុយហ្គាយឡើងដល់២៥ពិន្ទុស្មើអេក្វាឌ័រ ប៉ុន្តែមិនអាចដណ្ដើមចំណាត់ថ្នាក់លេខ៤ដែលត្រូវជាប់ទៅប្រេស៊ីលនោះទេ ដោយសារចាញ់សំណល់គ្រាប់បាល់។ យ៉ាងណាមិញអាហ្សង់ទីនដែលដឹងខ្លួនច្បាស់ថាជាប់ស្វ័យប្រវត្តិទៅហើយនោះ មិនបានដាក់កីឡាករសំខាន់ៗឲ្យចូលលេងនោះទេ ដូចជា Lionel Messi ជាដើម។
ឆ្លងកាត់ការប្រកួតជម្រុះ១៦ប្រកួតក្នុងតំបន់អាមេរិកខាងត្បូងកន្លងមក ក្រុម៤ដែលបានជាប់ទៅប្រេស៊ីល គឺ អាហ្សង់ទីន កូឡុំប៊ី ឈីលី និងអេក្វាឌ័រ ខណៈអ៊ុយរុយហ្គាយដែលជាប់លេខ៥ នឹងត្រូវប្រកួត play-off ទល់នឹងក្រុមលេខ៥តំបន់អាស៊ី ហ្សកដានី ដើម្បីដណ្ដើមកន្លែងមួយទៅ World Cup។ ការប្រកួត play-off នោះ នឹងត្រូវធ្វើឡើង២ជើងនៅពាក់កណ្ដាលខែវិច្ឆិកា។
លទ្ធផលកាលពីព្រឹកមិញ៖
(បូលីវី និងប៉េរូ កំពុងប្រកួត)
តារាងចំណាត់ថ្នាក់ក្រោយប្រកួតព្រឹកមិញ (មិនទាន់គិត បូលីវី និង ប៉េរូ)
វីដេអូហាយឡាយនៃការប្រកួតរវាងអ៊ុយរុយហ្គាយ និងអាហ្សង់ទីន៖
ចាំមើលមើល៍ ថាតើអ៊ុយរុយហ្គាយ ឬ ហ្សកដានី ដែលអាចជាប់ទៅ World Cup ឆ្នាំក្រោយ?
អត្ថបទទាក់ទង៖ កូឡុំប៊ីកក់កៅអីនៅ World Cup តាមអាហ្សង់ទីន ក្រោយវាយបកយ៉ាងសាហាវយប់មិញ
- អាហ្សង់ទីន, អាមេរិក, កូស្តារីកា ជាប់ទៅ World Cup ក្រោយឈ្នះព្រឹកមិញ
អានអត្ថបទផ្សេងទាក់ទងនឹង World Cup សូមចុចត្រង់នេះ៕
អត្ថបទ៖ សុខ សុវត្ថិ
រូបភាព៖ fifa
0 comments:
Post a Comment