ក្បាច់ហាត់ប្រាណពង្រាបក្បាលពោះ (ចលនាទី១៩)
លោកអ្នកបានយល់ដឹងរួចមកហើយអំពីចលនាចំនួន១៨ នៃក្បួនហាត់ប្រាណពង្រាបក្បាលពោះនៅក្នុងទស្សនាវដ្ដី សុខភាពយើង លេខមុនៗនេះ។
ជាកិច្ចបន្ដ សូមបន្ដស្វែងយល់ និងហាត់ចលនាទី១៩ជាបន្ដទៅទៀត។
ចលនាទី១៩ ៖ យោលជើងម្ខាង
ជំហរហាត់ ៖ សូមដេកផ្ងារ កើយប្រអប់ដៃទាំងពីរ។ ជើងទាំងពីរផ្ទឹមគ្នាលើកត្រង់ឡើងទៅលើ។
របៀបហាត់ ៖ សូមទាញជើងម្ខាងមករកក្បាល ដោយមិនបង្ហើបកំប៉េះគូទឡើយ។ បន្ទាប់មកសូមទាញជើងម្ខាងនោះ ទៅរកទីតាំងដើមឬជំហរដើមវិញ។ សូមប្ដូរជើង ម្ដងជើងស្ដាំ ម្ដងជើងឆ្វេង។
ចំនួនហាត់ ៖ សូមធ្វើចលនាស្ដាំឆ្វេង ឱ្យបាន២០ដង។ បន្ទាប់មកសូមសម្រាកមួយសន្ទុះ(៥វិនាទី) និងសូមបន្ដធ្វើឱ្យបាន ២លើកទៀត។
ដំណកដង្ហើម ៖ សូមដកដង្ហើមចេញ ពេលធ្វើចលនាទាញជើងមករកក្បាល។
សូមប្រុងប្រយ័ត្ន ៖ កញ្ចឹងក និងខ្នងត្រូវមានសភាពបន្ធូរសម្រាកមិនចូលរួមធ្វើចលនាបន្ដឹងឡើយ។
បើចង់ដឹងព័ត៌មានបន្ថែម សូមស្វែងរកអានសៀវភៅ “ក្បួនហាត់ប្រាណពង្រាបក្បាលពោះ”
សូមបន្ដអានចលនាបន្ទាប់
ដោយ ៖ វេជ្ជ. លី ចេងហ៊ុយ
ដកស្រង់ ៖ សៀវភៅ “ក្បួនហាត់ប្រាណពង្រាបក្បាលពោះ” និពន្ធដោយវេជ្ជបណ្ឌិត លី ចេងហ៊ុយ បោះពុម្ពនៅខែកុម្ភៈឆ្នាំ២០០៨ ដោយទស្សនាវដ្ដី សុខភាពយើង និងក្រុមកាឡាក់ស៊ី
ប្រភព ៖ ទស្សនាវដ្តី សុខភាពយើង លេខ៤៩ ខែកុម្ភៈ ឆ្នាំ២០១០
0 comments:
Post a Comment