ការប្រកួតបាល់ទាត់ពានរង្វាន់ AFC President’s Cup 2013 បានឈានដល់វគ្គផ្ដាច់ព្រ័ត្រ បន្ទាប់ពីឆ្លងកាត់ការជម្រុះអស់ ២ វគ្គកន្លងមក ដោយក្រុម Balkan របស់ប្រទេសទួរមេនីស្ថាន ប៉ះក្រុម KRL F.C. របស់ប្រទេសប៉ាគីស្ថាន នៅវេលាម៉ោង ៧ : ៤៥ នាទី នៅថ្ងៃទី ២៩ កញ្ញា នេះ នៅកីឡដ្ឋាន Hang Jebat Stadium ប្រទេសម៉ាឡេស៊ី។
ក្រុម Balkan ប្រកួតជាមួយបឹងកេត កាលពីវគ្គជម្រុះក្នុងពូល
អត្ថបទពាក់ព័ន្ធ៖ AFC President’s Cup 2013 រកឃើញ ៦ ក្រុមឡើងទៅជុំផ្ដាច់ព្រ័ត្រហើយ
Balkan ជាក្រុមជើងខ្លាំង លេខ ១ ក្នុងពូល C ដែលក្រុមចម្ការកៅស៊ូបឹងកេត របស់កម្ពុជាធ្វើជាម្ចាស់ផ្ទះ កាលពីវគ្គជម្រុះតាមពូល។ ឡើងដល់ជុំផ្ដាច់ព្រ័ត្រក្រុមជើងឯក Turkmenistan League ៤ សម័យកាលនេះ បានប្រកួតឈ្នះទាំង ២ ប្រកួតទៀត ដោយឈ្នះ Three Star Club របស់នេប៉ាល់ ៦ – ០ និង ឈ្នះ Erchim របស់ម៉ុងហ្គោលី ៤ – ០។
ចំណាត់ថ្នាក់ក្នុងវគ្គជម្រុះវគ្គផ្ដាច់ព្រ័ត្រ
ចំណែកឯ KRL ជាក្រុមចំណាត់ថ្នាក់លេខ ២ មកពីពូល B ដែលធ្វើឡើងនៅប្រទេសហ្វីលីពីន កាលពីវគ្គជម្រុះតាមពូល។ ចូលដល់វគ្គជុំផ្ដាច់ព្រ័ត្រ KRL បានបំបាក់ក្រុម Dordoi Bishkek របស់ប្រទេសតាហ្ស៊ីគីស្ថានដែលធ្លាប់លើកពាន លំដាប់ទី៣ ប្រចាំទ្វីបអាស៊ី ២ សម័យកាល និង ជើងឯករង ៤ ដង ក្នុងលទ្ធផល ១ – ០។ មួយប្រកួតទៀត ក្រុមជើងខ្លាំងមកពីប៉ាគីស្ថាន មួយនេះបានយកឈ្នះក្រុម Hilal Al-Quds មកពីប៉ាឡេស្ទីន ដែលជាក្រុមលេខ ២ ក្នុងពូល C ជាមួយបឹងកេត ២ – ០។
អត្ថបទពាក់ព័ន្ធ៖ ក្រុមខ្លាំងមកពីអាស៊ីកណ្ដាល គេចគ្នានៅជុំផ្ដាច់ព្រ័ត្រ President’s Cup
ចំណាត់ថ្នាក់ក្នុងវគ្គជម្រុះវគ្គផ្ដាច់ព្រ័ត្រ
តើ Balkan ឬ KRL ដែលអាចមានសមត្ថភាពលើកពាន AFC President’s Cup ក្នុងប្រវត្តិសាស្ត្រលើកដំបូងសម្រាប់ក្លិបរបស់ខ្លួន?
អត្ថបទ៖ ម៉ឺន រស្មី
0 comments:
Post a Comment