រូបគំរូ iPhone 6

iPhone 5S និង 5C ទើប​តែ​បាន​ចេញ​លក់​តាម​ទីផ្សារ​បណ្ដា​ប្រទេស​ជា​ច្រើន​ទូទាំង​ពិភពលោក​​ប្រហែល ២ខែ​សោះ ក៏​មាន​ដំណឹង​ជុំវិញ iPhone 6 ​ទៅ​ហើយ។ ព័ត៌មាន​ទាក់​ទិន​នឹង​កំពូល Smartphone ជំនាន់​ទី ៨ ដែល​ល្បី​ញឹកញយ​ជា​ង​គេ​គឺ​ស្ថិត​នៅ​ត្រង់​អេក្រង់ ដែល​ថា​នឹង​ត្រូវ​បាន Apple ពង្រីក​ទំហំ​អាច​ជា ៤,៧អ៊ីញ ៤,៧៨អ៊ីញ ៥,៥អ៊ីញ ឬ ៥,៧អ៊ីញ ក៏​ប៉ុន្តែ​សម្រាប់​រូបរាង​ពិត​របស់ iPhone 6 យ៉ាងណា​នោះ ពុំ​មាន​ប្រភព​ណា​អាច​បញ្ជាក់​បាន​នៅ​ឡើយ។ ចំណែក​ខាង​ក្រោម​នេះ ជា​រូប​គំរូ iPhone 6 ដ៏​ស្រស់​ស្អាត​ពុំ​គួរ​ឱ្យ​ជឿ ជឿជាក់​ថា​ប្រិយមិត្ត​ប្រាកដ​ជា​លាន់​មាត់​សរសើរ​ជា​មិន​ខាន។

សង្កេត​ឃើញ​ការ​ឌីហ្សាញ​នៅ​លើ iPhone 6 នេះ ពិត​ជា​មាន​រូបរាង​យ៉ាង​ស្អាត​អស្ចារ្យ​អត់​ទ្រាំ​មិន​សរសើរ​មិន​បាន។ គ្មាន​ផ្ទៃ​គែម ពោល​អេក្រង់​ទូរសព្ទ​នេះ​ត្រូវ​បាន​វេច​ខ្ចប់​រហូត​ដល់​ជ្រុង​សងខាង​​នៃ​អេក្រង់​មុខ យ៉ាង​ល្អ​ប្រណិត។ អេក្រង់​ដែល​ត្រូវ​វេច​ខ្ចប់​រហូត​ដល់​គែម​សងខាង មាន​នូវ​ប៊ូតុង volume, flashlight, alarm clock, calculator និង camera សម្រាប់​ឱ្យ​អ្នក​ប្រើ​មាន​ការ​ងាយស្រួល​បញ្ជា​បាន​រហ័ស។ ចង់​ដឹង​ឱ្យ​រឹតតែ​ច្បាស់​ថា គំរូ iPhone 6 នេះ​ឡូយ​យ៉ាងណា​សូម​ទស្សនា​វីដេអូ​ឃ្លិប​ខាង​ក្រោម៖

ចំពោះ​ប្រិយមិត្ត​វិញ តើ​យល់​យ៉ាងណា​ដែរ​ចំពោះ​រូបរាង iPhone 6 ដែល​ស្ថិត​ជា​គំរូ​ត្រូវ​បាន​ឌីហ្សាញ​ដោយ Iskander Utebayer ខាង​លើ​នេះ?