ប្រិយមិត្តមានដឹងទេថាក្នុងចំណោមតារាស្រីល្បីៗកម្រិតពិភពលោក តើមានតារារូបណាខ្លះដែលបានសាងកេរ្តិ៍ឈ្មោះកិត្តិយសល្បីល្បាញ ឬនិយាយឲ្យខ្លីហៅថាទទួលបានការគាំទ្រនិងទទួលស្គាល់ពីប្រិយមិត្តដោយសារតែពួកគេច្រៀងបទចម្រៀងមនោសញ្ចេតនាបែកបាក់ស្នេហា។
១. Beyonce ៖ បទចម្រៀងទីមួយដែលធ្វើឲ្យម្ដាយកូនមួយរូបនេះទទួលបានការចាប់អារម្មណ៍ និងគាំទ្រគឺបទចម្រៀងបែកបាក់ស្នេហា “Irreplaceable”។ តាមរយៈបទនេះ ទើបនាំឲ្យមានឈ្មោះ Beyonceលើវិស័យចម្រៀងដល់បច្ចុប្បន្ននេះ។
ទស្សនាបទចម្រៀង“Irreplaceable” ៖
២. Eliza Doolittle ៖ បទចម្រៀងស្នេហាបែកបាក់ “No Man Can” និង “I’m in Love With You (In Your Hands),”ដែលពណ៌នាពីស្នេហាបែកបាក់រវាងនាង និងតារាចម្រៀង Benji Madden បាននាំនាងមានកេរ្តិ៍ឈ្មោះល្បីល្បាញដល់សព្វថ្ងៃ។
ទស្សនាបទចម្រៀង“No Man Can” ៖
៣. Adele ៖ បទចម្រៀង ”Chasing Pavements” បានជួយឲ្យតារាចម្រៀងស្រីរូបនេះទទួលបានការចាប់អារម្មណ៍ពីសំណាក់ប្រិយមិត្តប៉ុន្តែ អាល់ប៊ុមបែកបាក់ស្នេហា “21” ដែលចេញលក់កាលពីឆ្នាំ២០១១ ក្នុងនោះមានបទចម្រៀង “Rolling in the Deep” “Someone Like You” “Set Fire To the Ran” និង “Rumour Has It” គឺជាបទដែលអាចចាត់ទុកថាជោគជ័យបំផុតក្នុងអាជីពសិល្បៈរបស់នាង។
ទស្សនាបទចម្រៀង “Someone Like You” ៖
៤. Amy Winehouse ៖ អាល់ប៊ុមចម្រៀង “Frank” បានជួយឲ្យតារារូបនេះទទួលបានកេរ្តិ៍ឈ្មោះនៅអង់គ្លេសកាលពីឆ្នាំ២០០៣។ ប៉ុន្តែចម្រៀងដែលចាត់ទុកជោគជ័យនិងជួយឲ្យនាងទទួលបានពានរង្វាន់ Grammy Awardចំនួន ៥គឺបទចម្រៀងបែកបាក់ស្នេហា “You Know I’m No Good” ។
ទស្សនាបទចម្រៀង “You Know I’m No Good” ៖
៥. Carrie Underwood ៖ ទោះជានាងទទួលបានការគាំទ្រខ្លះ ជាជើងឯកនៅរដូវកាលទី៤ ក្នុងកម្មវិធី “American Idol” ប៉ុន្តែបទចម្រៀងដែលធ្វើឲ្យ Carrie Underwood ទទួលបានការគាំទ្រខ្លាំងបំផុតនោះគឺបទ “Some Hearts” នៅក្នុងអាល់ប៊ុមទីមួយរបស់នាងដែលចេញលក់កាលពីឆ្នាំ២០០៥។
ទស្សនាបទចម្រៀង “Some Hearts” ៖
៦. Toni Braxton ៖ មានបទចម្រៀងបែកបាក់ស្នេហាររបស់ Toni Braxton ដែលទទួលបានការគាំទ្រយ៉ាងខ្លាំងរួមមាន៖ ”Love Shoulda Brought You Home” “Another Sad Love Song” និងបទ “Un-Break My Heart”។
ទស្សនាបទចម្រៀង “Love Should a Brought You Home” ៖
៧. John Legend ៖ ក្នុងចំណោមតារាដែលសាងកេរ្តិ៍ឈ្មោះល្បីល្បាញព្រោះតែបទចម្រៀងបែកបាក់ស្នេហាគឺមានតែ John Legend ម្នាក់ប៉ុណ្ណោះដែលបានជាប់ជាតារាចម្រៀងប្រុស។ កាលពីឆ្នាំ២០០៤ Jonh Legend បានចេញអាល់ប៊ុមចម្រៀងមួយមានចំណងជើងថា “Get Lifted” ដែលក្នុងនោះមានបទចម្រៀងបែកបាក់ស្នេហាចំណងជើងថា ”Used to Love U” ជាបទដែលធ្វើឲ្យគាត់ល្បីល្បាញបំផុត។
ទស្សនាបទចម្រៀង “Used to Love You” ៖
សូមចុចអាន៖ Victoria’s Secret បង្ហាញអាវទ្រនាប់តម្លៃ ១០ លានដុល្លារ
ប្រែសម្រួល ៖ សុខា នីកា
ប្រភព៖ celebs
0 comments:
Post a Comment